ٻہ ننڍا ناول
ٻن ناوليٽن ”روشنيءَ جي تلاش“ ۽ ”اڻپورو انسان“ تي ٻڌل ڪتاب ”ٻہ ننڍا ناول“ اوهان اڳيان حاضر آهي. آغا سليم جو پھريون ناوليٽ 1960ع ۾ ”روشنيءَ جي تلاش“ جي نالي سان ڇپيو، تنھن کانپوءِ ”اڻ پورو انسان“ 1977ع ۾ ڇپيو. بقول نصير مرزا ”انھن ناولن جا ڪردار مھان چهرا آهن، جيڪي اتھاس جي اوٽ ۾ ڪٿي گم هئا. انهن کي آغا صاحب ماضي جي اونداهين گفائن مان ڪڍي، اسان جي حال جي سرواڻي ڪرائڻ، اسان جي ستل ذهنن کي سجاڳ ڪرڻ ۽ مثال طور ڪري پيش ڪرڻ لاءِ انھن کي ڏينھن جي روشني ۾ کڻي آيو آهي“. بقول آغا سليم ”مان پنھنجي ناولن ۾ سنڌ جي اتھاس کي پيش ڪرڻ جي ڪوشش ڪئي آهي.“