آءُ بہ جاڳي پوندس جمال ابڙو
جمال ابڙي پنھنجي آتم ڪٿا ۾ ھڪ ھنڌ لکيو ھو تہ ”آءُ بہ جاڳي پوندس، جڏھن سنڌ آزادي ٿيندي !، ھي منھنجي قبر جو ڪتبو آھي.“ 897 صفحن تي مشتمل ھن ڪتاب ۾ جمال ابڙي جي حياتيءَ جو احوال، ڪھاڻين جو مجموعو ”پِشو پاشا“، جمال ابڙي جا لکيل 10 مضمون، سندس لکيل 6 ڪتابن جا مھاڳ، جمال ابڙي جا خط، 10 انٽرويو، جمال ابڙي سان ملھايل شام جو احوال، جمال ابڙي تي لکيل 15 تنقيدي مضمون، ادريس جتوئيءَ جو لکيل مونوگراف، جمال ابڙي جي شخصيت ۽ فن تي رئوف نظاماڻيءَ جو لکيل مقالو، جمال ابڙي جي شخصيت ھمعصرن جي نظر ۾ (37 مضمون)، تعزيتي ايڊيٽوريل، تعزيتي خط ۽ تعزيتي ڪتاب جا ورق شامل آھن.