ناشر طرفان ٻه اکر
سنڌي شاعريءَ ۾، مختلف اصناف سخن تي، صدين کان طبع آزمائي ٿيندي رهي آهي، ۽ هر دؤر ۾، هر صنف ۾، ماهر لکندڙن جو ڪافي انداز موجود رهندو پئي آيو آهي. هزل گوئي، طنزنگاري ۽ هجو يه شاعري، بهرحال سنڌ ۾ ايتري گهڻي ڪا نه ڪئي ويئي آهي، ۽ نه وري ڪي انهيءَ فن ۾ طبع آزمائي ڪرڻ وارا گهڻا شاعر ئي پيدا ٿيا آهن.
سنڌ جي ڪلاسيڪي شاعريءَ ۾ سنجيده ۽ متين شعراء ڪرام جي ڪلام ۾ ڪٿي ڪٿي چرچو گهٻو، اصلاح آميز طنز، يا ڪنهن شخص تي هجويه انداز ۾ جُلِههَ ۾ حملو برابر ملن ٿا -- ويندي گارين تائين به لفظ ڳولي لهي سگهيا. سگهڙن جي ڪلام ۾ البته اهڙين ڳالهين جي فراواني آهي.
عروضي شاعريءَ م، مزاحيه طرز نگارش جو بالي مرحوم رئيس شمس الدين ”بلبل“ ئي هو. محمد هاشم ”مخلص“ ، نور محمد ”انور“ نظاماڻي ۽ ٻيا، ”بلبل“ جي ئي اسٽائل کان متاثر ٿيا.
”بلبل“ جي فن تي، هن ڪتاب جي مهاڳ ۾، ”ديوان بلبل“ جي مرتب ۽ سنڌ جي ڪيترن بزرگن ڪافي ڪجهه لکيو آهي. اميد ته پڙهندڙ ان مان خَط حاصل ڪندا.
عنقريب ”بلبل“ جي ڪلام جي ٻيو مجموعو، پڙهندڙن جي اصلاح ۽ تفريح طبع خاطر شايع ڪيو ويندو.
(ڊاڪٽر اسدالله شاهه حسيني)
حيدرآباد، سنڌ
اعزازي سيڪريٽري
سنڌي ادبي بورڊ
23-مئي، 1969ع