سنڌسلامت پاران
سنڌ سلامت ڪتاب گهر پاران نامياري شاعر ۽ نثر نگار قمر شھباز جي طنزيہ ڪھاڻين ۽ مزاحيا ڪالمن تي مشتمل مجموعو ”اٺون گهر“ اوھان اڳيان پيش آھي.
ھي ڪتاب قمر شھباز جي نھايت ئي دلچسپ 75 ڪالم ڪھاڻين تي ٻڌل آھي. اڪثر ڪالم ڪھاڻيون ريڊيو پاڪستان ڪراچيءَ جي مشھور پروگرام ”سورج شاخون ڪڍيون“ لاءِ لکيل آھن. قمر شھباز پنھنجي ڪالمن ۽ ڪھاڻين ذريعي سنڌ جي مسئلن ۽ پيڙهيل طبقي جي هيسيل ماڻھن جي نمائندگي ڪئي. هن جابر ڪردارن جي پت وائکي ڪري عام ماڻھن ۾ شعور بيدار ڪرڻ لاءِ بيباڪي سان مسلسل قلم ذريعي جنگ جوٽي. ھن ڪتاب ۾ مزاح جا رنگ بہ آھن تہ مسئلن کي پڻ نروار ڪيو ويو آھي. ساڳي وقت جابر ۽ ظالمن تي ٺٺول پڻ ھر ڪالم ڪھاڻيءَ ۾ ملندي.
ھي ڪتاب 1989ع ۾ سنگم پبليڪيشن، سچل ڳوٺ پاران ڇپايو ويو، جنھن جي پي ڊي ايف ڪاپي وتايي جي گهر جي ٿورن سان اوھان سان شيئر ڪجي ٿي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي