سنڌسلامت پاران
سنڌ سلامت ڪتاب گهر پاران نامياري صحافي ۽ اديب شيخ عزيز جي آتم ڪھاڻيءَ جو ڪتاب ”دارون ۽ ڪارون“ اوھان اڳيان پيش آهي.
ھن آتم ڪھاڻيءَ ۾ شيخ عزيز نھايت ئي دلچسپ انداز ۽ وڏي بي باڪيءَ جو مظاھرو ڪندي، ڪافي حقيقتون سامھون آنديون آھن. ان حوالي ھو پاڻ بہ لکي ٿو تہ مون جيڪي ڳالھيون جيئن آھن، تيئن لکڻ جي ڪوشش ڪئي آھي ۽ ان ۾ ڪو بہ وڌاءُ ناھي ڪيو. ھن ڪتاب ۾ سنڌ جي تاريخ، مختلف جڳھين سان گڏ مختلف شخصيتن بابت نراليون ڳالھيون پڻ ڏنل آھن. ان سان گڏ پنھنجي صحافتي ڪم جي حوالي سان تمام گهڻو لکيو اٿس، جنھن ۾ عبرت اخبار جي شروعاتي دور کان ويندي انگريزي اخبار ڊان ۾ پنھنجي صحافتي ڪم ۽ لاھن چاڙھن جو ذڪر ڪري ٿو. سچ تہ شيخ عزيز جي ھي آٽو بايوگرافي سڄي زندگيءَ جي پيار جو پورھيو آھي، جنھن ۾ ھن بنا ڪنھن ملاوٽ جي واقعن ۽ مشاھدن کي بيان ڪيو آھي. ھڪ لحاظ کان ھي ڪتاب سنڌ جي سياسي، سماجي ۽ ثقافتي تاريخ پڻ آھي.
ھي ڪتاب 2018ع ۾ پيڪاڪ پبلشرس، ڪراچيءَ پاران ڇپايو ويو. ڪتاب جي اسڪين ڪاپي ايم ايڇ پنھور انسٽيٽيوٽ آف سنڌ اسٽيڊيز جي سھڪار سان پيش آھي.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com
نوٽ: ھن ڪتاب جي رڳو پي ڊي ايف ڪاپي موجود آھي