ويھين صدي جي سائنسدانن ۾، آئنسٽائين کانپوءِ جنھن سائنسدان کي عوامي سطح تي غير معمولي شھرت ملي اھو اسٽيفن ھاڪنگ آھي. ھاڪنگ 30 سالن کان مٿي جسماني طور مڪمل مفلوج رھيو پر سندس ذھن ۽ سوچ سدائين ڪائنات جا اسرار پروڙيندي رھي. سندس ھي ڪتاب مشھور ستن عوامي ليڪچرن جو ڳٽڪو آھي، جيڪي ھن مختلف وقتن تي ڏنا، جن رستي ھن سولن طريقن سان سمجهائڻ جي ڪوشش ڪئي تہ ڪائنات جي مڪمل ترين ۽ اصل نظريي تائين پھچڻ لاءِ ڪھڙيون ڪوششون ٿيون آھن ۽ اڳتي ڪھڙيون اُميدون آھن. ھي ڪتاب ڪائنات ۽ منجهس موجود جسمن جي ھڪ مختصر تاريخ پڻ آھي.