ماٺار جي چؤواٽي تي بيٺل سنڌي قومپرستي

سنڌ سلامت ڪتاب گهر پاران قومپرست ڪارڪن عطا محمد شاھاڻيءَ جو سنڌ جي قومپرست سياست تي لکيل ڪتاب ”ماٺار جي چؤواٽي تي بيٺل سنڌي قومپرستي“ اوھان اڳيان پيش آهي. 
عطا محمد شاھاڻي ھڪ سچو ۽ کرو قومپرست ڪارڪن رھيو آھي. ھو 1970ع کان جي ايم سيد جي سياست سان سلھاڙيل رھيو آھي. پنھنجي لکيل ھن ڪتاب ۾ ھن قومپرستن توڙي وفاق پرستن خاص ڪري سائين جي ايم سيد، رسول بخش پليجي، عبدالواحد آريسر ۽ ذوالفقار علي ڀٽو توڙي ٻين سياستدانن سان ڪا بہ رعايت ناھي ڪئي، شاھاڻي صاحب ڪتاب ۾ مختلف موضوعن خاص ڪري ”سنڌ ۽ سنڌ جي قومپرستي اڄ هڪ جاءِ تي منجمند ٿي چؤواٽي تي بيوس ۽ لاچار “، ”جي ايم سيد جي سنڌوديش جو اعلان“، ” ڇا سنڌي ماڻھو قوم ٿيڻ لاءِ تيار آهن؟“، ”ڇا قوم آزاديءَ لاءِ سنجيدہ آهي“؟ سميت مختلف موضوعن ۽ سوالن تي بحث ڪيو آھي. آخر ۾ ھن خلاصو ۽ نتيجو پڻ پيش ڪيو آھي.
ھي ڪتاب 2025ع ۾ سڦلتا پبليڪيشن، حيدرآباد پاران ڇپايو ويو آھي. ٿورائتا آھيون سڦلتا پبليڪيشن جي سرواڻ ھوش ڀٽيءَ جا جنھن ڪتاب جي ڪمپوز ڪاپي موڪلي.


محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com