ٻاراڻو ادب

گُلن جهڙي شاعري پوپٽَ جهڙا ٻارَ

ٻارن لاءِ لکڻ ۾ ڪيڏو نه مزو آهي! پر، ٻار بڻجي لکڻ ۾ اڃا به وڌيڪ مزو آهي، ۽ اهو مزو ڪنهن ڪنهن جي حصي ۾ ئي ايندو آهي. ڪنهن ليکڪ کي اهو حصو وڌيڪ ملندو آهي ته ڪنهن کي گھٽ ۽ ڪنهن کي بنهه نه.
”گُلن جهڙي شاعري پوپٽ جهڙا ٻارَ“ ٻارڙن لاءِ سرجيل شاعريءَ جو مجموعو آهي.
Title Cover of book گُلن جهڙي شاعري پوپٽَ جهڙا ٻارَ

• لطيف جو ميلو

ڇا لاءِ ٻُوٿ ڪرين ٿو ڀيلو
آيو ڄاڻ لطيف جو ميلو

مولا پنهنجو مالڪ آهي
کوڙ ڏيندو پئسا پهچائي
نه ته کپائينداسين ڇيلو
آيو ڄاڻ لطيف جو ميلو

ڀٽ ڌڻي کي ڀيٽا ڏيئي
پيار جو خوب ڀرينداسي هي
يار ڪتابن وارو ٿيلهو
آيو ڄاڻ لطيف جو ميلو

نچندا ڪڏندا، کلندا ٽلندا
ڇوڪرا سڀ اسڪول جا هلندا
هلندو ساڻ سائين اربيلو
آيو ڄاڻ لطيف جو ميلو

گُلو ڦُلو ولو هلندو
رمون هلندو ڪمون هلندو
ڪيئن رهبو هت پاڻ اڪيلو
آيو ڄاڻ لطيف جو ميلو

شعر ڏنو مختيار آ ٺاهي
هاڻ ٻڌاءِ تون ان کي ڳائي
پوءِ گڏ ويهي کائون ڪيلو
آيو ڄاڻ لطيف جو ميلو

*