ٻاراڻو ادب

گُلن جهڙي شاعري پوپٽَ جهڙا ٻارَ

ٻارن لاءِ لکڻ ۾ ڪيڏو نه مزو آهي! پر، ٻار بڻجي لکڻ ۾ اڃا به وڌيڪ مزو آهي، ۽ اهو مزو ڪنهن ڪنهن جي حصي ۾ ئي ايندو آهي. ڪنهن ليکڪ کي اهو حصو وڌيڪ ملندو آهي ته ڪنهن کي گھٽ ۽ ڪنهن کي بنهه نه.
”گُلن جهڙي شاعري پوپٽ جهڙا ٻارَ“ ٻارڙن لاءِ سرجيل شاعريءَ جو مجموعو آهي.
Title Cover of book گُلن جهڙي شاعري پوپٽَ جهڙا ٻارَ

• پٿر تي ليڪ

ڏس آئيندو تو لاءِ آتو
ٿا ڪوس ٿين ارمانن جا
اٿ لاٽ امن جي روشني ڪر
ٿا لاش رَلن انسانن جا

ٿي ڏيهه مان ڪوسي ڄر اچي
ڄڻ ڏئي ويو ڪوئي باهه مٺا
تون پرهه ڦٽيءَ جي هيرَ سندو
ڪو جهوٽو بڻجي آءُ مٺا

پيار بنا پرچار نه ٿيندو
گهٽيءَ گهٽيءَ ڀل گهاڻا ٺاهن
ٻاراڻا هي ٻول نه سمجهو
پٿر تي ڄڻ ليڪو آهن
*