ٻاراڻو ادب

گُلن جهڙي شاعري پوپٽَ جهڙا ٻارَ

ٻارن لاءِ لکڻ ۾ ڪيڏو نه مزو آهي! پر، ٻار بڻجي لکڻ ۾ اڃا به وڌيڪ مزو آهي، ۽ اهو مزو ڪنهن ڪنهن جي حصي ۾ ئي ايندو آهي. ڪنهن ليکڪ کي اهو حصو وڌيڪ ملندو آهي ته ڪنهن کي گھٽ ۽ ڪنهن کي بنهه نه.
”گُلن جهڙي شاعري پوپٽ جهڙا ٻارَ“ ٻارڙن لاءِ سرجيل شاعريءَ جو مجموعو آهي.
Title Cover of book گُلن جهڙي شاعري پوپٽَ جهڙا ٻارَ

• نئون سال

ڌرتيءَ باغ بهاري ٿيندي
ماروئڙا ٿيندا خوشحال
آيو نئون نڪورو سال

ڏک جا پاڇا مِٽجي ويندا
لهندو هر ڪنهن تان جنجال
آيو نئون نڪورو سال

ديس دروهي بيگانن ۾
مولا پاڻ ئي وجهندو قال
آيو نئون نڪورو سال

سچ جون ڳالهيون هلنديون رهنديون
ڪوڙن جي ڪين ڳرندي دال
آيو نئون نڪورو سال

جيئڻ خاطر ڇا ڪرڻو آ
اچ ته ونڊيون ويهي هال
آيو نئون نڪورو سال

گامون، ڀولُو جهومر پايو
بابي آندو آ نئون بال
آيو نئون نڪورو سال

*