لوڪ ادب، لساني ۽ ادبي تحقيق

گلشڪر (اصلوڪو)

ڪتاب ”گلشڪر“ اوهان اڳيان پيش ڪجي ٿو. هي پهاڪن جو ڪتاب ديوان ڪيولرام سلامتراءِ آڏواڻي جو لکيل آهي جنهن جو پهريون ايڊيشن ورهاڱي کان اڳ 1905ع ۾ ڇپيو.
Title Cover of book گلشڪر (اصلوڪو)

خ

۲۴۴ - خون کٿوري ڳجها نه رهن.
هن پهاڪي لاءِ ايترو ئي چوڻ بس آهي، جو کٿوريءَ کي ڪو گهڻو ئي لڪائي، پر سندس خوشبوءِ نه لڪي؛ تنهن وانگي خون پڻ. اهڙي طرح فارسي پهاڪو پڻ آهي:
خوش است اين نقطه از خردان بگفتن،
که عشق و مشک را نتوان نهفتن. سياڻن جي چوڻ جو هي چڱو نقطو آهي،
جو عشق ۽ کٿوريءَ کي لڪائي نه سگهجي.