فطرت، سائنس ۽ سماج
فلسفو، سائنس، سياست، ادب، لغت، اصلاح سازي ۽ آخر ۾ سنڌي ٻولي- اهي سڀ ڊاڪٽر محبت جا موضوع هئا. هيءُ ڪتاب ”فطرت، سائنس ۽ سماج“ ملھائتين لکڻين تي مشتمل آهي. ڪي لکڻيون آڳاٽيون آهن 1980 جي ڏهاڪي جون، تہ ڪي 1990 جي ورندڙ ورهين ۾ سرجيل. ڪي رف حالت ۾ ئي رهيون، تہ ڪي فيئر ٿِي ڇپيون بہ. هن ڪتابي گلدستي ۾ سينگاريل ليکن جا رنگ ۽ خوشبوئيون الڳ الڳ آهن، پر انھن ۾ سمايل وحدت کي هر سڄاڻ پڙهندڙُ چڱيءَ پر سمجهي سگهندو.