شاعري

سج الائي ڪٿي ڪِري پيو

ومي سدارنگاڻي جي نظمن جو ڪتاب سج الائي ڪٿي ڪري پيو اوهان اڳيان پيش آهي.
ومي سدارنگاڻي هند ۽ سنڌ جي اها شاعره آهي، جنهن ننڍڙي وهيءَ ۾ ئي ايترا ته پختا ۽ من کي ڇُهندڙ نظمَ سنڌي ٻوليءَ کي ڏنا جو 1994 ۾ جڏهن هوءَ انڊيا جي سنڌي شاعرن ۽ اديبن جي وفد سان سنڌ جي دؤري تي آئي ته لڳ ڀڳ سنڌ جي پوري ادبي دنيا هن جي نالي ۽ نظمن کان واقف هئي.
Title Cover of book سج الائي ڪٿي ڪِري پيو

پيار تو لاءِ ڀاڄي ماني

بس نه !
پيار اِتي ئي
پورو ٿيو تنهنجو،
پيار تولاءِ ڀاڄي ماني،
مون لاءِ هوا ، پاڻي،
ڀاڄي مانيءِ کان سواءِ
تون ته جيئرو رهندين
هوا ـ پاڻيءَ بنان
مان ته مري ئي وينديس.