منهنجو هٿُ واپس موٽي آيو
ٻاهر
گذارڻ کان پوءِ
موٽيس پنهنجي گھر
ياد آيم پنهنجا ڪتابَ
تڪڙا قدم
۽ سامهون ڪتابن جو شيلف
بي ترتيب ڪتاب
شڪل تي اڻ وڻندڙ اظهار جاڳيو
پڪ ئي آهي اها ڪوئن جي شرارت ...
ڪتاب جو پهريون ٿهو جھڪيل هو
ٽئين ٿهي مٿان
وچين ٿهي تي پيا هئا
ڪک پن ، ڪي اڳڙيون
صفائيءَ لاءِ هٿ وڌايم
ڪنن تي ڪنهن جي ننڍڙي چيخ پيئي
اوهه ڪاري جھرڪيءَ جو ٻچو !
منهنجو هٿ واپس موٽي آيو...
ٻچو ته وڏو به ٿيو..
اُڏامي به ويو...
پر
هٿ اڃان به اڳتي وڃڻ کان ناڪاري ٿو ...
ڪتابن جي وچ ۾
اڃان به محفوظ آهن
ڪک پن ۽ اڳڙيون.