سياسي تعليمي نصاب (قومپرستي، سيڪيولرزم ۽ جمهوريت)

سنڌ سلامت پاران

سنڌ سلامت ڊجيٽل بوڪ ايڊيشن سلسلي جو ڪتاب نمبر (312) اوهان اڳيان پيش ڪجي ٿو. سويت يونين جي ٽٽڻ کانپوءِ سياسي حوالي سان گهڻي ڀڃ ڊاهه ٿي آهي. اهڙي وقت ۾ نوجوانن کي سياسي نظرين جي ڄاڻ هجڻ ضروري ٿي پئي آهي. ان ڏس ۾ سنڌ جي گهڻ طرفي پڙهيل لکيل دانشور ڊاڪٽر مير عالم مري پاران سياسي ڪارڪنن جي تربيت جي حوالي سان ڪجهه اڳ ۾ لکيل ۽ ڪجهه نئين سر سان لکيل هي سياسي تربيتي نصاب في الحال ”نيشنلزم، سيڪيولرزم ۽ جمھوريت“ جي سمجهاڻيءَ طور سرسوتي ساهت گهر ڏوڪريءَ پاران 2013ع ۾ ڇپايو ويو.

هي ڪتاب، سنڌ جي سياسي ڪارڪنن، بِالخصوص سنڌ جي قومپرست ڪارڪنن جي نظرياتي، سياسي ۽ تنظيمي تربيت جي نقطه نگاهه کان لکي ترتيب ڏنو ويو آهي، جنهن ۾ جيئي سنڌ هلچل جي بنيادي نظرياتي پروگرام جي نقطن جهڙوڪ قومپرستي، جمهوريت ۽ سيڪيولرازم تي ڌار ڌار مضمون شامل آهن.

ٿورائتا آهيون سائين عيسى ميمڻ جا جنهن ڪتاب جي ڪمپوز ڪاپي موڪلي سنڌ سلامت ڪتاب گهر ۾ پيش ڪرڻ جي اجازت ڏني.

اوهان سڀني دوستن، ڀائرن، سڄڻن، بزرگن ۽ ساڃاهه وندن جي قيمتي مشورن، راين، صلاحن ۽ رهنمائيءَ جو منتظر.

محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com ڪتاب جو مطالعو ڪريو