مذهب

محمد رسول الله صلي الله عليه وآله وسلم

هي ڪتاب سابق تعليمي ماهر لال چند امرڏنو مل جڳتياڻي جو لکيل آهي۔ ڪنهن به غير مسلم شخصيت جو محمد رسول الله صه جي زندگيء بابت هي پهريون ڪتاب آهي۔ اسين ٿورائتا آهيون اسلاميه سائنس ڪاليج سکر جي اسٽنٽ پروفيسر محترم عبدالجبار شيخ صاحب جا، جنهن هي ڪتاب ڪمپوز ڪري سنڌ سلامت تي پيش ڪرڻ لاء موڪلي ڏنو آهي.
Title Cover of book محمد رسول الله صلي الله عليه وآله وسلم

حضرت محمد ﷺ جي هلندي

حضرت محمد ﷺ جي وعظ ۽ نصيحت جو مديني وارن تي اهو اثر ٿيو جو سندن ڪو گهرو معاملو هوندو هو ته ان جي فيصلي لاءِ به هن حضرت وٽ ايندا هوا.حضرت فيصلو اهڙو پورو ڪندو هو جو ٻئي ڌريون خوش ٿي وينديون ٖهيون سندس هلندي به ڏاڍي هئي هڪ ڏينهن مديني وارن سڀني رهاڪن کي گهرائي صلاح ڏنائين ته “اوهان کي جڳائي جو سڀ پاڻ ۾ هڪ قوم ٿي رهو دين تي سڀڪو ڀل پنهنجي قائم رهي پر اوهان سڀ جي مديني ۾ رهو ٿا ڇا يهودي ڇا ڪرستان ۽ مسلمان به ڇا مڪي مان ڀڄي آيل ڇا اصل مديني وارا پاڻ ۾ کير کنڊ ٿي پئو ڪوبه اوهان مان ڪنهن کي به نه ستائي نه ان کي ساريءَ قوم جو دشمن ڪري ڄاڻو ڪوبه اوهان مان ڪنهن جو به مال ڦٻائي ته ان کان وٺي اصل واري مالڪ کي موٽائي ڏيو مبادا ڪو اهڙو منجهن ئي معاملو اچي مچي جنهن جو فيصلو اوهان پاڻ نه ڪري سگهو ته پوءِ بيشڪ مون وٽ هليا اچو ته آءٌ قصو ٺاهي ڏيان” سڀن سنديس نيڪ صلاح مڃي ۽ آئنده ان تي عمل پي ڪيو.