شاعري

ڪلهي پاتم ڪينرو

”ڪلهي پاتم ڪينرو“ نامياري شاعر شيخ اياز جي لازوال شاعريءَ تي مبني آهي۔ جنهن ۾ بيت، دوها، گيت، وايون ۽ غزل شامل آهن۔
  • 4.5/5.0
  • 7127
  • 2131
  • آخري ڀيرو اپڊيٽ ٿيو:
  • شيخ اياز
  • ڇاپو پھريون
Title Cover of book ڪلهي پاتم ڪينرو

موتئي جون مالھائون، مُنڌ

موتئي جون مالھائون، مُنڌ،
من _ مندر جي چائنٺ، شام.!

سانوڻ جي مڌ _ ماتي رات،
اُڀ ۾ ڪيئي جلندا جام.

چنگ، چَڙا، چانڊوڪي، چيٽ،
سھڻي، سِير، مرڻ جي مام.

منُ راڌا جي روپ نہ آھ،
تون تہ اُھوئي آھين شيام.!

اُلري آءُ، وِرھ َ جا واگھ،!
من جي بن تي ڇانئي شام.

ٻاھر رنگارنگ شفق،
پڃري ۾ پنڇيءَ جي شام.

چوڌاري سج _ ورني ريتِ،
پنھنجا واريء َ تي وِسرام.

ساڳيو سامي ڪاپڙيو،
جنھن جا گيڙو گيت سڻيام.

جنھن جون وايون مينھن ڦڙيون،
جنھن جا سُر سانوڻ جي شام.!

شِو جو سِيسُ، نہ ٽھندڙ نانگ،
تو ۾ آيا ڪيئن ڪلام.!

جنم جنم جي جيت ´اياز`،
شاھ، سچل، سامي ڪجھ نام.