ٻاراڻو ادب

ٻالڪ ڌرتيءَ ٽانڊاڻا

ھي ڪتاب نامياري شاعر ۽ ليکڪ وحيد محسن جي ٻارن لاءِ لکيل شاعريءَ جو مجموعو آھي. وحيد مُحسن ٻارن لاءِ ڪافي شاعري ڪئي آهي. سندس شاعريءَ ۾ ٻارن کي اتساھ ڏيندڙ جذبا موجود آهن. هن ٻارن جي وندر ۽ تفريح سان گڏ، انهن کي همت، جوش، جذبي سان اڳتي وڌڻ جو حوصلو بہ ڏنو آهي، تہ وري انھن جي نصيحت واري انداز ۾ سندن اخلاقي پرورش بہ ڪئي آهي. سندس ٻارڙن لاءِ شاعريءَ جو مجموعو ”ٻالڪ ڌرتيءَ ٽانڊاڻا“ اهڙن سڀني معيارن تي پورو لھي ٿو. جيڪا ڳالھ ٻارڙن جي شاعر لاءِ ضروري هوندي آهي تہ هو ٻارن جي معيار وٽان لکي وحيد محسن کي وري ٻارن تي لکڻ جو پورو پورو ڏانءُ آهي. هو ٻارن جو نمائندہ شاعر آهي.
  • 4.5/5.0
  • 698
  • 199
  • آخري ڀيرو اپڊيٽ ٿيو:
  • وحيد محسن
  • ڇاپو پھريون
Title Cover of book ٻالڪ ڌرتيءَ ٽانڊاڻا

چوسٽا

[b]جاڳو[/b]

جاڳو ڌرتيءَ وارا جاڳو،
ننڍڙا ٻالڪ سارا جاڳو،
عِلمُ سان ئي مان وڌي ٿو،
هوشو دودي پارا جاڳو.


[b]کلن ٿا
[/b]
خوش ٿي ٻار جڏهن کلن ٿا،
گلن جا هار تڏهن لڳن ٿا،
مستقبل کي روشن ڪرڻ لئهِ،
سڀ ٻار اسڪول ڏي وڃن ٿا.

