سنڌ سلامت پاران
سنڌ سلامت ڊجيٽل بوڪ ايڊيشن سلسلي جو نئون ڪتاب”خلاصہ تراويح“ اوهان اڳيان حاضر آهي. ھن ڪتاب جو سنڌيڪار محمد يوسف دل آھي.
رمضان المبارڪ قرآن مجيد جو مھينو آهي جنهن لاءِ نبي اڪرم ﷺ ارشاد فرمايو: جنهن شخص رمضان جي راتين ۾ قرآن ٻڌو تہ ان جا گناهه بخشيا ويندا. وري ارشاد آهي تہ قرآن مجيد قيامت جي ڏينهن پنھنجي پڙهندڙ لاءِ الله تعاليٰ وٽ شفاعت ڪندو ۽ اها شفاعت قبول پوندي. رمضان المبارڪ ۾ ئي قرآن نازل ٿيو ان ڪري ان جي هڪ رات کي اها فضيلت ۽ درجو مليو جو ان جي عبادت هزار مھينن کان وڌيڪ ٿي پئي. رب ڪريم هڪ ڀيرو اسان کي اهو موقعو ڏنو جو رمضان جي سعادت نصيب ٿي. ان مان برڪت ۽ سعادت حاصل ڪندي روزا رکي الله تعاليٰ جو حڪم مڃون ۽ رات جو تراويحون پڙهي نبي سائين جي سنت ادا ڪريون ۽ قرآن مجيد سان لئون لائي سچا مسلمان ٿيون. تراويح جي خلاصي کي سنڌي ۾ ترجمو ڪرڻ لاءِ نوجوان محمد يوسف دل کي اها سعادت ملي جو هن سولو سلوڻو ترجمو ڪيو. اوهان کي گذارش ڪجي ٿي هر رات تراويحن کان پوءِ هڪ خلاصو نمازين کي پڙهي ٻڌائيندا.
ھي ڪتاب 2012ع ۾ غزالي اڪيڊمي، ميرپور خاص پاران ڇپايو ويو، جيڪو وينجهار جي ٿورن سان اوھان اڳيان ڪمپوز ۽ پي ڊي ايف ۾ آڻي رھيا آھيون.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com