شاعري

آلا نيڻ آڪاش جا

. هي ڪتاب ”آلا نيڻ آڪاش جا“ نئين ٽهي جي خوبصورت شاعر وسيم آڪاش سيتائيءَ جي شاعريءَ جو ٻيو مجموعو آهي. ان کان اڳ سندس شاعريءَ جي پهرين مجموعي’’هوائن ڇير ڇمڪائي‘‘ جي ادبي حلقن ۾ خوبصورت پذيرائي ٿي.
Title Cover of book آلا نيڻ آڪاش جا

ترائيل

مينهنُ من جي اُٺو ٿر مٿان،
ديد دل جي ٺري آ پئي،
مور ويٺو اچي گهر مٿان،
مينهنُ من جي اُٺو ٿر مٿان.

باغ ۾ ٿي بهاري وئي،
ڪي ئي نکريا ڪنول جر مٿان،
ديد دل جي ٺري آ پئي،
مور ويٺو اچي گهر مٿان.
_


ساھَ جي تند جي ٽُٽي پوندي،
زندگيءَ جو مَحل ڊهي ويندو،
دردَ مان جند ئي ڇُٽي پوندي،
ساھَ جي تند جي ٽُٽي پوندي.

آشنائيءَ جو سج لهي ويندو،
چين جي لاٽَ پو ڦُٽي پوندي،
زندگيءَ جو مَحل ڊهي ويندو،
دردَ مان جند ئي ڇُٽي پوندي.