4.4 لانگ بوٽ وارو
چيلو: ‘جنهن جي ڦٽل هوندي آهي!’
گرو: ‘ٺيڪ ... اک ۾ عقل ڪنهن کي هوندو آهي؟’
چيلو: ليکڪن کي.
گرو: ‘ٺيڪ ... وات ۾ عقل ڪنهن کي هوندو آهي؟’
چيلو: سياستدانن کي.
گرو: ‘ٺيڪ ... دل ۾ عقل ڪنهن کي هوندو آهي؟’
چيلو: عورت کي.
گرو: ‘ٺيڪ ... غريب کي عقل ڪنهن ۾ هوندو آهي؟’
چيلو: پيٽ ۾.
گرو: ‘ٺيڪ ... آفيسر کي عقل ڪنهن ۾ هوندو آهي؟’
چيلو: ڪياڙيءَ ۾.
گرو: ‘ٺيڪ ... طاقت ور ڌر کي عقل ڪنهن ۾ هوندو آهي؟’
چيلو: ‘لانگ بوٽ ۾.’
گرو: ‘ٺيڪ ...هاڻ ٻڌاءِ ته تون عقل ڇا ۾ رکڻ چاهين ٿو؟’
چيلو: ‘لانگ بوٽ ۾.’
گرو: ‘ڇو؟’
چيلو: ‘لانگ بوٽ وارو عقل طاقتور هوندو آهي، ڪنهن کي به بي سبب چيڀاٽي سگھي ٿو.’
ايئن چئي چيلي، پنهنجي لانگ بوٽ سان، گروءَ کي چيڀٽ ڏئي ڇڏي.
ته گرو رڙ ڪري چيو: ‘بيشڪ، تون وڏو عقلمند آهين!’