پُتلين جو تماشو
ڏٺو اسان پُتلين جو تماشو
سڀ کان پهريان آئي راڻي
کٽَ تي ويٺي ساههَ سيباڻي
ٽپ ڏيئي پوِ آيو راڻو
ڪرڻ لڳي هوءَ تنهن سان ماڻو
نيٺ راڻي جو عرض اگھاڻو
راڻيءَ پنهنجو ڇڏيو رُساڻو
راڻي راڻيءَ کي پرچايو
کيس هاٿيءَ تي شهر گھُمايو
شهر گھُمي پوءِ باغَ ۾ آيا
راڻي ڇم ڇم نچڻ لڳي
ننڊ پکين کي اچڻ لڳي
باغ ۾ آيو پاٽي خان
جنهن جي هٿ هو تير ڪمان
راڻي کي تنهن رڙ ڪري
چيو: ”هليو وڃ هتان پري
آءٌ راڻيءَ سان شادي ڪندس
راڄَ سڄي جو مالڪ ٿيندس“
راڻي کي پوءِ ڪاوڙ آئي
تنهن ڪئي هن سان خوب لڙائي
مُئو ويڙھ ۾ پاٽي خان
وڌي ويو راڻي جو شان
هر ڪنهن کاڌو کنڊُ پتاشو
ختم ٿيو پوءِ کيل تماشو.