شاعري

مهدي ٿيو مهندار ; ڪلامِ مھدي سائين

هي ڪتاب ”مهدي ٿيو مهندار“ سنڌ جي صوفي شاعر مهدي سائينءَ جي ڪافين تي مشتمل آهي جيڪو هادي مهدي اڪيڊميءَ پاران ڇپايو ويو آهي.اسان ٿورائتا آهيون سوڀيدري سان تعلق رکندڙ علم ۽ ادب دوست شخصيت سائين شاهنواز سومري صاحب جا جنهن ڪتاب جي ڪمپوزنگ ڪري سنڌ سلامت ڪتاب گهر ۾ پيش ڪرڻ جي اجازت ڏني.
Title Cover of book مهدي ٿيو مهندار ; ڪلامِ مھدي سائين

ڪافي ۵ - آھيان عبديت جي اولي- ڳجھي ڳالھ لڌم ڳجھ ڳولي-

آھيان عبديت جي اولي- ڳجھي ڳالھ لڌم ڳجھ ڳولي-

۱- احديت آ اقرار اسانجو- قالو بلا واري قولي-

۲- پاڻ سڃاتم پاڻ کي ڄاتم- ٻولڻ وارو ٿو ٻولي-

۳- صحي سڃاتم ثابت سُر کي- ڀَـوَ ڀڃي سڀ ڀولي-

۴- مظھر ۾ اٿم نالو ’مھدي‘- خيال ڏٺم خود کولي.