شاعري

مهدي ٿيو مهندار ; ڪلامِ مھدي سائين

هي ڪتاب ”مهدي ٿيو مهندار“ سنڌ جي صوفي شاعر مهدي سائينءَ جي ڪافين تي مشتمل آهي جيڪو هادي مهدي اڪيڊميءَ پاران ڇپايو ويو آهي.اسان ٿورائتا آهيون سوڀيدري سان تعلق رکندڙ علم ۽ ادب دوست شخصيت سائين شاهنواز سومري صاحب جا جنهن ڪتاب جي ڪمپوزنگ ڪري سنڌ سلامت ڪتاب گهر ۾ پيش ڪرڻ جي اجازت ڏني.
Title Cover of book مهدي ٿيو مهندار ; ڪلامِ مھدي سائين

ڪافي ۳۶ - طلب طمع کي طالب ترڪن، وحدت واري واہ سان،

طلب طمع کي طالب ترڪن، وحدت واري واہ سان،
ويساہ سان.

۱- ٻوڙي ٻائـڙ ٻيائي ٻاري- لاحد واري لاھ سان- ويساہ سان-

۲- ڪربل ڪوڪ ڪنائي قائم- قرب قتل واري ڪاھ سان- ويساہ سان-

۳- ھڪدم حال حلاج ھلائي- رھبر واري راھ سان- ويساہ سان-

۴- پيوند پيچ پريت جو پائي- ’مھدي‘ مورت ماھ سان- ويساہ سان-