• پکي
هلين ٿو تون سدا جھنگ جھَر
ڪڏهن ڪاڇو، ڪڏهن ڪينجھر
ڇڏيو تو ناهي ڪو ڀي تَر
نوان نِت روپ بدلائين..!!
الئه ڪهڙو پکي آهين..!!
ڳجھو ناهي چمن توکان
ڪبوتر ٿا ڊڄن توکان
تِتر، طوطا ڀڄن توکان
۽ نيرڳ پاسو ڪن توکان
ڪئي تو گھٽ نه اڄ تائين
الئه ڪهڙو پکي آهين..!!
ڪڏهن ڳيرن کي تڙپائين
۽ جھرڪين کي به هِيسائين
ڪڏهن آنا ٻچا کائين
هميشه تاڙ ۾ آهين
لڳي ٿو هوش ۾ ناهين..!!
الئه ڪهڙو پکي آهين..!!
وڏو آهين ڪو پٿر دل
اُجاڙي تو ڇڏيو هر گُل
رُنو گلشن، رُني بُلبُل
نٿئي احساس ڪو ميرل
ظلم جا ڳيچ ٿو ڳائين..!!
الئه ڪهڙو پکي آهين..!!
*