شاعري

جڏهن هُو زلفَ ڇوڙي ٿو

هي شاعريءَ جو ڪتاب ”جڏهن هو زلف ڇوڙي ٿو“ خوبصورت شاعر احساس ميرل سهتي جي شاعريءَ تي مشتمل آهي. هي ڪتاب امرتا پبليڪيشن حيدرآباد پاران 2016ع ۾ ڇپايو ويو آهي.
هُن جي شاعري جتي سماج ۽ سماجي حالتن جي اُپٽار ڪندي نظر اچي ٿي، اُتي هُو پنهنجي داخلي خيالن کي به اظهاري ٿو، جن ۾ اظهارِ محبت به آهي ته اظهارِ غم و رنج به آهي، جدائي به آهي ته وفائي به آهي ۽ بيوفائي به آهي. هُو عاشق مزاج شاعر آهي يا شاعر مزاج عاشق ان بابت پاڻ کي ڪا خبر ڪانهي پر هُن جي شاعري عشق جهڙي مشغلي سان مُشڪبار آهي
Title Cover of book جڏهن هُو زلفَ ڇوڙي ٿو

• مثال

هُو جڏهن
گلستان ۾ آيو
ته گلن ۾ ڦڙڦوٽ پئجي وئي..!!
پوپٽ..!!
سندس ڳلن کي چمڻ لاءِ
تڙپندا رهيا..!!۽ هُن جي نهار ۾
دلين کي قيد ڪرڻ واريون
سڀئي ڪَڙيون موجود هيون..!!
۽ سندس زُلف
ڪاريهر نانگ جيان
هر دل کي
ڏنگي رهيا هئا..!!
سندس گُفتار جو ذائقو
ماکيءَ ۽ مصريءَ لاءِ
هڪ مثال هو..!!
*