سگهڙ محمد ايوب جوڻيجو
هفتي جا ڏينھن
سومر ڏينھن ساھہ کي لڳي ڏاڍي تانگهہ،
اچڻ تنھنجي آسري اُڏايم ٿي ڪانگ.
اڱاري ڏينھن عجيب تون آئين ڪونہ اڱڻ،
سڄو ڏينھن سڪ ۾ گذريو تو سڄڻ.
اربع ڏينھن اچڻ جو واعدو ڪيو تو،
نڪي پاڻ آئين نڪي نياپو مُجو تو.
خميس ڏينھن خوب تنھنجو ڪيو انتظار،
ڪيئي ڪال تہ رستي ۾ آهيان يار.
جمعي ڏينھن جانب اوطاق آيو هلي،
دل ڏاڍي خوش ٿي ان سان ملي.
ڇنڇر ڏينھن قرب مان، مون ڪڪڙ ڪٺو،
گڏ سڄڻ سان سارو ڳوٺ گهمي ڏٺو.
آچر ڏينھن ”ايوب“ مون کان ڪئي موڪلاڻي،
جدا ٿيندي جانب کان وهي پيو اکين مان پاڻي