شاعري

ڪلهي پاتم ڪينرو

”ڪلهي پاتم ڪينرو“ نامياري شاعر شيخ اياز جي لازوال شاعريءَ تي مبني آهي۔ جنهن ۾ بيت، دوها، گيت، وايون ۽ غزل شامل آهن۔
  • 4.5/5.0
  • 7105
  • 2127
  • آخري ڀيرو اپڊيٽ ٿيو:
  • شيخ اياز
  • ڇاپو پھريون
Title Cover of book ڪلهي پاتم ڪينرو

سانگيئڙن جي سار نہ ڇڏ

سانگيئڙن جي سار نہ ڇڏ،
رات تہ راھِي گذري ويندي.!

ڇا جي دُوري، ! دل ئي دل ۾، پَکڙا تن جي اوڏا اڏ.!
رات تہ راھِي گذري ويندي.!

من ئي من ۾ ماروئڙن کي ڪنھن مارڳ تي آڻي گڏ.!
رات تہ راھِي گذري ويندي.!

ايندي، ايندي، ايندي ساڃھ،ايندي تنھنجي سَرلي سَڏ.!
رات تہ راھِي گذري ويندي.!

نيٺ تہ ڪِرندا ڪوٽ انھن جا،کيٽي وارا پوندا کڏ!
رات تہ راھِي گذري ويندي.!