سنڌي ٻوليءَ جو سماجي ڪارج
الھداد ٻوهئي صاحب جو ھي ڪتاب ڊي. فل ڊگريءَ لاءِ ڊاڪٽر غلام علي الانا جي نگرانيءَ ۾ مقالي جي صورت ۾ لکيو ويو. هيءُ ڪتاب پنجن ڀاڱن ۾ ورهايل آهي. ڀاڱي پھرين ۾ انساني سماج ۽ ان جي پس منظر ۽ جوڙجڪ، ٻوليءَ جي وصف ۽ ڪارج ۽ ثقافت تي بحث ڪيل آهي. ڀاڱي ٻئي ۾ سنڌي ٻوليءَ جي ادب ۽ ان جي سماجي اڀياس متعلق، ڀاڱي ٽئين ۾ روز مرھہ استعمال ٿيندڙ ٻوليءَ تي ڇنڊ ڇاڻ، ڀاڱي چوٿين ۾ اشارن واري ٻوليءَ جو اڀياس ۽ ڀاڱي پنجين ۾ ٻوليءَ جي سماج ۽ معنوي حيثيت تي بحث ۽ محقق جي اظھارن جي ذريعن جو ذڪر ٿيل آهي. ڪتاب جو موضوع فلسفياڻو، گَھرو، تورتڪ جي سائنسي پئمانن تي مشتمل آهي، ليکڪ اوترو ئي هن ڪتاب ۾ موضوع جي متعلق گَھرا ويچار ڏنا آهن.