شاعري

سرور

مسرور پيرزادي جي شاعريءَ ۾ ٻوليءَ جي سادگي، لفظن جي چونڊ ۽ عنوان، شاعريءَ جا خيال سچ تہ دلچسپ ۽ وڻندڙ آهن.  مسرور دلرباين، دلڪشين ۽ حسناڪين جو شاعر آهي. مسرور سونھن، سندرتا، سچ، محبت ۽ ڪائنات جي حسناڪين سان پيار ڪندڙ شاعر آهي. مسرور سنڌي غزل کي اوج ڏنو ڏنو آھي. سندس نظم پڻ منفرد آھن.

Title Cover of book Suroor

تيسين ڪين خدا آ، مسجد، مندر ۾

تيسين ڪين خدا آ، مسجد، مندر ۾،
جيسين ڪينھي پنھنجي ئي ھو اندر ۾!

خون ٽِمي ٿو قاتل جي ھن خنجر مان؟
يا ڪي ڳوڙھا خون سندا ھن خنجر ۾؟

پنھنجي ذات سنديون ڪي پاڙون جاچڻ لئھ،
آنءُ ڏسان ٿو روز مھين جي کنڊر ۾!

ٿا روز مداريءَ لاءِ تماشو ڏيکارن،
فرق ڪٿي آ ماڻھو ۽ اڄ بندر ۾!

محبوبا جي وڇڙيل ڪائي ياد اچي ٿي،
چنڊ ڏسان ٿو جئن مان پورو امبر ۾.

سوچ ٻڏڻ ۽ ترڻ سنديءَ کان عاري ٿي،
آءٌ ٽپو ڏيون اجري پيار – سمندر ۾!