شاعري

سرور

مسرور پيرزادي جي شاعريءَ ۾ ٻوليءَ جي سادگي، لفظن جي چونڊ ۽ عنوان، شاعريءَ جا خيال سچ تہ دلچسپ ۽ وڻندڙ آهن.  مسرور دلرباين، دلڪشين ۽ حسناڪين جو شاعر آهي. مسرور سونھن، سندرتا، سچ، محبت ۽ ڪائنات جي حسناڪين سان پيار ڪندڙ شاعر آهي. مسرور سنڌي غزل کي اوج ڏنو ڏنو آھي. سندس نظم پڻ منفرد آھن.

Title Cover of book Suroor

ٿيو بند ساھہ – ساز آ، ٻيو ساز ڪو ڇِڙي تہ ڇا!

محبوب ھاڻ منھنجي ئي، گهر منجهہ ڀي گهڙي تہ ڇا!

تنھا رھڻ جا مون سدا، جيئري عذاب ئي سٺا،
اڄ موت کان پو مون مٿان، ميڙو بہ ڪو مڙي تہ ڇا!

اونداھہ سان اسان پرين! آ دوستي رکي ڇڏي،
ھاڻي تہ چوڏھينءَ جو، ڪو چنڊ ڀي کڙي تہ ڇا!

ھاڻي بھار کان اسان، ھر آس آ پلي مٺا!
ھاڻي ھوا گهلي تہ ڇا، ڪو گل ُ ڀي، ٽِڙي تہ ڇا!

چوڻو مون کي جو آ اھو، چوندس ضرور مان پيو،
پو ڀل ڪوئي کلي تہ ڇا! پو ڀل ڪوئي چِڙي تہ ڇا!