شاعري

سرور

مسرور پيرزادي جي شاعريءَ ۾ ٻوليءَ جي سادگي، لفظن جي چونڊ ۽ عنوان، شاعريءَ جا خيال سچ تہ دلچسپ ۽ وڻندڙ آهن.  مسرور دلرباين، دلڪشين ۽ حسناڪين جو شاعر آهي. مسرور سونھن، سندرتا، سچ، محبت ۽ ڪائنات جي حسناڪين سان پيار ڪندڙ شاعر آهي. مسرور سنڌي غزل کي اوج ڏنو ڏنو آھي. سندس نظم پڻ منفرد آھن.

Title Cover of book Suroor

ھوءَ مون لاءِ خوابَ آڻي ٿي

ھوءَ مون لاءِ خوابَ آڻي ٿي،
خوبصورت سرابَ آڻي ٿي.

عشق جي ڪيترن سوالن جا،
ھڪ نظر ۾ جواب آڻي ٿي.

ھوءَ مون لئہ وجود پنھنجي ۾،
سونھن جا ڪي ڪتاب آڻي ٿي.

ويجهڙائي گناھہ ڪونھي ڪو!
ڀاڪرن ۾ ثواب آڻي ٿي.

گهور ھن جي چميءَ جھڙي آ،
لطف ڪي بي حساب آڻي ٿي.

مان خمارن منجهان نہ ٿو نڪران،
عشق جا ھوءَ شراب آڻي ٿي.

ياد تنھنجي، بھار جي موسم،
شاعريءَ جا گلاب آڻي ٿي.

*