شاعري

سرور

مسرور پيرزادي جي شاعريءَ ۾ ٻوليءَ جي سادگي، لفظن جي چونڊ ۽ عنوان، شاعريءَ جا خيال سچ تہ دلچسپ ۽ وڻندڙ آهن.  مسرور دلرباين، دلڪشين ۽ حسناڪين جو شاعر آهي. مسرور سونھن، سندرتا، سچ، محبت ۽ ڪائنات جي حسناڪين سان پيار ڪندڙ شاعر آهي. مسرور سنڌي غزل کي اوج ڏنو ڏنو آھي. سندس نظم پڻ منفرد آھن.

Title Cover of book Suroor

دل اڄ بہ چوي ٿي تہ نئون گيت ڳائجي

دل اڄ بہ چوي ٿي تہ نئون گيت ڳائجي،
پر گيت نئين لاءِ نئون نينھن لائجي.

”مان ھاڻ سوا تنھنجي رھي خوش ٿو ٿي وڃان“
مغرور پرينءَ کي ھي وڃي اڄ ٻڌائجي.

سھڻو جو پکي ھي ٿو اڏي آسمان ۾،
سو پيٽ ڀرڻ لاءِ ڪھي ڪيئن کائجي!

ڳوڙھا بہ رسي ھاڻ اسان کان ھليا ويا،
ھي بار ڀلا دل جو پرين! ڪيئن لاھجي؟

جملو نہ ڪوئي لڙڪ جيان ٿي سگهيو پرين!
ھي درد سٽن منجهہ ڀلا ڪئن سمائجي!

*
ھي پرين آھہ يا خدا آھي!
ھي مجاز آھہ يا حقيقت آ!


*