ڪيو پڌرو ڏکن آهي ، ڏکن کان ٿي ڀڄڻ چاهيان
عمر باقي ڪري خوشيون، سکن ۾ ٿي رهڻ چاهيان
خوابن جي بياباني، جبل، بر، ٿر اڃا ٻيلا
ڦٽيل پيرين اورانگهي سڀ، خوشيءَ سان ٿي وڃڻ چاهيان
وڃا اُڪري سمنڊ سارو، بنا ڪنهن دير جي هاڻي
پرينءَ ڀر مان هجان حاضر اهو ڪم ٿي ڪرڻ چاهيان
ستائي ٿي خوابن ۾، خدا ڄاڻي ته ڇا آهي
اُها هستي حقيقت ۾ اکين سان ٿي ڏسڻ چاهيان
''سحر'' دل ڪيترو آخر ڪندس پنهنجي مان قبضي ۾
ڏسي ڏک سنڌ جا توکي سنيها ٿي ڏيڻ چاهيان