سنڌي
اجرڪ ٽوپي سان ڀرپور،
سنڌي دنيا ۾ مشهور.
ڀرت سان چولا اٿن ڀريل،
ڪلهن تي ڏس اجرڪ رکيل،
جسمن تي پهراڻ پهريل،
پٽ ۽ ريشم مان ٺهيل،
اجرڪ ٽوپي سان ڀرپور،
سنڌي دنيا ۾ مشهور.
ننڍڙا وڏڙا ٽوپي پائن،
پٽڪو مٿي۽ لونگي پائن،
ڪڏهن پيرنه پوئتي پائن،
سيم سان ٺهيل جتي پائن،
اجرڪ ٽوپي سان ڀرپور،
سنڌي دنيا ۾ مشهور.
ٽُڪ جون رِليون وڏيون رکن،
سيءَ ۾ سدا کيس وجهن،
جڏهن ڪاڏي به گهمڻ وڃن،
پٽڪا ململ پائي هلن،
اجرڪ ٽوپي سان ڀرپور،
سنڌي دنيا ۾ مشهور.