اچ، اچ منهنجا ننڍڙا ڀا
ڪانوَ ادا تون اوري آءُ،
اچ، اچ منهنجا ننڍڙا ڀاءُ.
شايد توکي بک لڳي آ،
مون ڀي ماني ڪونه کاڌي آ،
امڙ ڏنو آ سُڪو لولو،
اچ اچ گڏجي مونسان کاءُ.
ڪانوَ ادا تون اوري آءُ،
اچ، اچ منهنجا ننڍڙا ڀاءُ.
بابا ڪالهه کان ڪم تي ويو آ،
ڀت جو ديڳڙو دم تي پيو آ،
امڙ چوي ٿي بابنهن ايندو،
ڳڙ مٺائي جامُ آڻيندو،
ٻرڪي ڀت تي کائينداسين،
ڪونهي مون وٽ ٻوڙُ پلاءُ.
ڪانوَ ادا تون اوري آءُ،
اچ، اچ منهنجا ننڍڙا ڀاءُ.