ھي ڪتاب برصغير جي آزاديءَ جي انقلابي هيرو، ڀڳت سنگهہ جي تحريرن ۽ خطن تي مشتمل آھي. ڀڳت سنگهہ پنھنجي عملي سياست جو آغاز 12 سالن جي عمر ۾ 1919ع ۾  جليا نوالا باغ ۾ ٿيندڙ احتجاج سان ڪيو جنھن ۾ ’جنرل ڊائر‘ احتجاج ڪندڙن تي گوليون هلائڻ جو حڪم جاري ڪيو. ھن انگريزن خلاف جنگ جاري رکي ۽ ڪيترائي حلا ڪيا جنھن سبب نوجوانن ۾ گهڻو مقبول ٿي ويو. آخرڪار انگريز ففوج کيس گرفتار ڪيو ۽ ڀڳت سنگهہ ۽ سندس ساٿي سک ديو کي ڦاسيءَ جي سزا جو حڪم ٻڌايو ويو ۽ 23 مارچ 1931ع تي هنن ٻنھي ديش ڀڳتن کي لاهور ۾ شادمان چوڪ تي ڦاسي ڏني وئي.