ٻه اکر
اسان جي ملڪ ۾ قومي مسئلي کي مختلف ڌريون مختلف نمونن سان پيش ڪري رهيون آهن. ظالم قومن جا مارڪسٽ ان کي طبقاتي جدوجهد جو دشمن قرار ڏئي رهيا آهن، ته ٻئي طرف مظلوم قومن جا انتهاپسند قومپرست، مارڪسزم کي قومي جدوجهد جو دشمن نظريو سمجهي رد ڪري رهيا آهن ۽ هو قومي ۽ طبقاتي جدوجهد کي هڪ ٻئي کان الڳ ۽ ڌار نظريا سمجهي رهيا آهن.
هن ڪتاب ۾ انهن ٻنهي ڌرين کي مارڪسزم – ليننزم جي روشني ۾ جواب ڏئي اها ڳالهه ثابت ڪئي وئي آهي ته مارڪسزم، ڪنهن به طرح قومي آزادي جي تحريڪن جي دشمن نه آهي ۽ نه ئي وري قومي آزادي جون تحريڪون، طبقاتي جدوجهد کي نقصان رسائي سگهن ٿيون. مارڪسزم جي بانين انهن ٻنهي جدوجهدن کي ملائي کڻڻ تي زور ڏنو آهي ۽ قومي آزادي جي تحريڪن جي بنا شرط شروط جي حمايت ڪرڻ تي زور ڀريو آهي.
[b]رڪ سنڌي[/b]