شاعري

دل جو درد نه ڄاڻي ڪوئي

رشيد ڪليريءَ جي شاعري گهڻ موضوعاتي آهي، پر عشق و محبت، سڪ ۽ چاهت پيار ۽ انتظار ۽ اهڙا ٻيا موضوع وڌيڪ ڇانيل ۽ حاوي آهن. ظاهر آهي شاعري انسان جي اندر جي احساسن جي اظهار جو نالو آهي، جنهن ماڻهوءَ وٽ جيڪو وکر هوندو، اهوئي پنهنجي دڪان تي رکندو.
  • 4.5/5.0
  • 3728
  • 860
  • آخري ڀيرو اپڊيٽ ٿيو:
  • رشيد ڪليري
  • ڇاپو پھريون
Title Cover of book دل جو درد نه ڄاڻي ڪوئي

محبتي ۽ محنتي انسان

رشيد ڪليري ريڊيو پاڪستان خيرپور جو پُراڻو انائونسر ۽ ڪمپيئر آهي. ريڊيو پاڪستان سان سندس محبت جو اِهو عالم آهي جو هُن ڪيترن ئي سالن کان، ريڊيو خيرپور تي پنهنجي ذميداري نباهڻ لاءِ مسلسل، گهوٽڪيءَ کان خيرپور جا ڊگها پنڌ پئي ڪيا آهن. رشيد ڪليريءَ جي اندر ۾ وري هڪُِ شاعرُ به موجود پئي رهيو آهي. شاعريءَ جي حوالي سان سنڌ ۾ اَڻ ڳڻيا آواز موجود آهن، رشيد ڪليري ءَ به پنهنجو آواز انهن آوازن ۾ شامل ڪيو آهي. مُحبت ۽ ان سان لاڳاپيل ڪيفيتن جا جذبا، هر ماڻهوءَ جي اندر ۾ موجود هوندا آهن ۽ هرڪوئي ان جو اظهار چاهيندو آهي. رشيد به اهڙو ئي اظهار چاهيو آهي ۽ اظهار هڪَ ڪتاب جي صورت ۾ ظاهر ٿي رهيو آهي، جيڪا ڳالهه سندس لاءِ خوشين جا ڪيئي گُلدستا کڻي ايندي. ڪتابُ ڇپجڻ کان پوءِ پڙهندڙ ۽ نقاد ان جو ڪهڙو مُلهه ٿا ڪَٿين. پاڻ ان سوال کي اڳتي لاءِ باقي ٿا رکئون. ننڍين ننڍين سٽن کي به سنڀالڻ ۽ محفوظ رکڻ جي جذبي جي آڌار، رشيد ڪليريءَ به پنهنجا جَذبا ۽ احساسَ هِنَ ڪتاب ۾ محفوظ ڪيا آهن، جنهن لاءِ مان کيس مبارڪ ڏيان ٿو.

امر اقبال
7 آڪٽوبر 2015ع
خيرپورميرس