46. ٻائي جو ٻائو، تيوڻ جو تيوڻ.
ڪنھن ٻائي کان پڇيائون ته؛ ”نالو ڇا اٿيئي؟“
هن چيو ته؛ ”واڱڻ داس“
هن جي نالي جي اکري معنى آهي؛ سيئل واڱڻ. تڏهن اڳلن ائين چيو. (رام چند مورج مل)
هنديءَ ۾ به چوڻي آهي ته؛ ”باواجي ڪي باواجي، باجنتري ڪي باجنتري“.
اهو هن ڪري چيائون جو؛ هڪڙي ٻائي کان ڪن شبد ڪرايا پر ڪو ڍولڪ وڄائڻ وارو ڪو نه هو. تنھنڪري کيس چيائون ته؛ ”ڳاءِ به تون ته وڄاءِ به تون.“
اهڙيءَ طرح جڏهن ڪنھن کي ٻه جدا ڪم ڪرڻا پون يا ڪا شيءِ ٻن طرح ڪم اچي، تڏهن ائين چئبو آهي.
ڏکيا لفظ:
داس معنيٰ سيئل تيوڻ.