141. يارن ڪھڙا ليکا.
بنياد:
هڪ لڱا شاهه عبداللطيف ڀٽائي ڪنھن گوشائتي هنڌ ويٺي تسبيح پڙهي. اوچتو، اتان ٻه زالون اچي لانگهائو ٿيون. جن مان هڪڙيءَ ٻيءَ کان پڇيو ته؛ ”تنھنجي آشنا تو کي ڇا موڪليو ۽ تو ڇا موڪليس؟“
زال وراڻي ڏني ته؛ ”يارن سان ڪھڙا ليکا؟“
شاهه لطيف هي جواب ٻڌي چيو ته؛ ”افسوس! جو مونکي هنن زالن جيترو به عقل ڪونھي. جو آءٌ الله سائين جو ذڪر ڪندو هڪ هڪ داڻو ڦيريندو وتان. اهو به ٿيو هڪڙو ليکو.“
هن پوءِ تسبيح ڪري ڦٽي ڪئي.
مراد ته جن سان هينئون گڏيل هجي يا جي گھرا دوست هجن، تن سان تٿا مدا نه پائجن.
ڀيٽيو: حسابِ دوستان، در دل.
ڏکيا لفظ:
تسبيح پڙهي معنيٰ مالھا ڦيري.