70. جڏهن ڪڏهن سنڌڙي تو کي، قنڌاران جوکو.
هيءُ پھاڪو، ماموئي فقيرن جو چيل آهي. انھن جو قصو تمام وڏو آهي. پر ٿوري ۾ مطلب ته؛ هنن کي اڳ-ڪٿي ڪرڻ جي ڪنھن طرح سگهه ملي هئي ۽ هو اُها پيشنگوئي ڪري ويا آهن ته سنڌ ملڪ کي هميشه قنڌار جي طرف کان جوکو آهي. يعني سنڌ تي جيڪڏهن ڪو دشمن ڪاهي ايندو ته قنڌار کان ۽ نه ٻئي طرف کان.
هن پھاڪي جي ٻي ڪا مراد ڪانھي (ماموئي فقيرن جي قصي لاءِ ڏسو مصنف جو ٺاهيل ڪتاب؛ ”سنڌ جون سوکڙيون“)