ڪھاڻيون

خوابن جا پاڇا

يوسف جميل لغاري سٺو ليکڪ، ادب ۽ علم جو اڃيو آھي، جنھن کي سٺا ليک ۽ علمي ادبي لکڻي پاڻ ڏانھن ڇڪي وٺندي آھي. ھن معاشري جي نا انصافين ۽ ڪيترن ئي روين خلاف بغاوت سندس قلم مان ظاھر ٿي پوندي آھي. سندس ڪھاڻيون اسان جي ئي معاشري، اسان جي ئي چوگرد گھمندڙ ڪردارن ۽ پنھنجن ئي ماڻھن جي روين سان ڀريل آھن. يوسف جا ڪردار ۽ ڪھاڻيون جتي اسان جي معاشرتي پهلوئن کي اجاگر ڪرڻ لاءِ بيچين آهن اتي زندگي جي چوواٽي تي حقيقي واقعن جا چٽا پٽا اولڙا به آھن. ھن وٽ خوبصورت خواب آھن جن جا پاڇا بہ اوترائي خوبصورت ۽ پر اميد آھن.
Title Cover of book خوابن جا پاڇا

لازوال مرڪ

منهنجي وائليٽ ۾ تنهنجي تصوير کي سنڀاليندي اڄ ٻيو سال پورو ٿيو آهي، ان ٻن سالن ۾ تنهنجيون انيڪ نا انصافيون، بي رخيون توڙي رُساما شامل آهن جن جو ڳاڻاٽو ئي ممڪن ناهي، جن جو تذڪرو ڪندي ڪٿي لفظ نہ کٽي پون، ڪٿي صفحا نہ پورا ٿي وڃن، ڪٿي قلم لکڻ کان بي وس نہ ٿي پوي، ڪٿي اِهي سڀ لکندي لفظ وڇوڙو پنهنجي اصليت نہ وڃائي ويهي، دل ٿي چئي تہ تون سان صدين جا حساب ڪتاب ڪجن، تون کان انهن پلن جو حساب وٺجي جن پلن ۾ تون مون کي تن تنها اڪيلو ڪري هلي ٿي وڃي، ڪي ئي گهڙيون تون سان حساب ڪتاب ڪرڻ جو سوچيندو آهيان وري جو مٿان تنهنجي مرڪ ياد ايندي اٿم تہ صدين جا حساب ڪتاب خاڪ بڻجيو پون.