(8)
روز شب راهون ڏسان پِيڙا طرف تنهنجا تڪڻ
1: سک صبر آرام نيڙا دوست تنهنجي دور ٿيڻ
دم بدم دل کي پيون سڪ سوز جون سختيون سهڻ
2: ڳل مٿي ڳوڙها ڳڙيا اکين ڪيا وارا وسڻ
سوز مان سڏڪا ڀري پل پل رهيا پنبڻ پسڻ
3: يار تنهنجا ياد آهن قول گڏ ويهي ٻَڌڻَ
سي پرين پاڙيو سِگها آهي الاءِ دم ڇا جيئڻ
4: معاف ڪر منهنجون خطائون مون ۾ آهن عيب مڻ
لعل محمد جي مهابي ڇڏ پرين رسمون رُسَڻُ
5: ڍول پنهنجي ڪول ڪر تون پير ڏي پنهنجا چمڻ
من گهريئي معشوق علي سان ٿئي مٺا مُرڪي ملڻ.