(20)
1: باهه بدن ۾ ڀڙڪي ٻاري سُورن ساڙي جندڙي ساري
ويجهو ڪر تون وصال، پلڪ پري هڪ ناهه پلڻ جي
2: تو در دلبر دلڙي دانهين هٿ وس تنهنجي جيئن تون چاهين
ڀورل ڪر ڪو ڀال، هُجت نه توسان آهه هلڻ جي
3: درد مندي جون ٻُڌ تون دانهون هيڪر مٺڙا اچ اورانهون
پنهنجو توسان حال اوريان روئي ناهه الڻ جي
4: توکي دلبر دل ٿي ساري روئي ڳوڙها ڳل تي هاري
جيئڻ ٿيم جنجال، ناهي جهوري جِهڄڻ جهلڻ جي
5: ڪول معشوق علي کي ڪر تون ننڌر نماڻي در تي ڌر تون
سانول سڻج سوال، رمز روحي رک راز رلڻ جـي.