شاعري

ڪينرو ڪيسين وڄايان

ڪتاب ڪينرو ڪيسين وڄايان اوهان اڳيان پيش ڪجي ٿو. هي شاعريء جو ڪتاب سنڌ جي خوبصورت شاعر مشتاق سعيد جي نظمن، وائين ۽ بيتن تي مشتمل آهي.

  • 4.5/5.0
  • 3868
  • 649
  • آخري ڀيرو اپڊيٽ ٿيو:
  • مشتاق سعيد
  • ڇاپو پھريون
Title Cover of book Keenro Kesen Wajayaan

ڪجهه اکر پبلشر پاران

ڌرتي ۽ اُن جي ٻولي جي واڌ ويجهه لاءِ هميشه شاعر، اديب ۽ ليکڪ جو ڪردار سڀ کان وڌيڪ ۽ اهم هوندو آهي. ان حوالي سان سنڌ ڌرتي سڀ کان وڌ خوشحال هجڻ گهرجي، جنهن شاهه لطيف، شيخ اياز، احمد ملاح، استاد بخاري، سرويچ سجاولي، ابراهيم منشي، محمد خان مجيدي جهڙا اَمُلهه ماڻهو پيدا ڪيا آهن، ۽ اهو سلسلو اڃان اڳتي، اياز امر شيخ، ايوب کوسو، ساحر راهو ۽ مشتاق سعيد تائين هلندو اچي/ هلندو رهندو.
مشتاق سعيد جا هِن کان پهرين ٻه شعري مجموعا شايع ٿي چُڪا آهن، هاڻي هي ٽيون شعري مجموعو ”ڪينرو ڪيسين وڄايان“ اوهان جي هٿن ۾ آهي. هن ڪتاب کي ساحل پبليڪيشن ڇپرائي ادب ۾ ڪيترو واڌارو ڪيو آهي، اِن جو فيصلو اوهان پڙهندڙن تي ٿا ڇڏيون.
اسان جي اِها ڪوشش رهي آهي ته سنڌي ادب ۾ سُٺا ڪتاب شايع ڪري سُٺي علم جو ڦهلاءُ ڪريون ۽ لائبريرين ۾ پُڻ واڌارو اچي، اسان کي اُميد آهي ته ساحل پبلڪيشن طرفان ڇپرايل هي پنجون ڪتاب سُٺن ڪتابن جي فهرست ۾ شامل رهندو، ڪتاب پڙهي اسان کي پنهنجي راءِ کان ضرور آگاهه ڪندا.
سنڌ سلامت ساٿ سلامت

مور ساگر
03332634650