هرڪو موٽي اچڻو آهي
ڪک سمايا آکيري ۾،
واچوڙن جي وَٽ سَٽ سان سڀ،
اُڏري ويا سي هر ڀيري ۾،
ڇا لئه تن سان ائين ڪرين ٿو؟
اُڏري اُڏري ڪِٿِ ڪِرن ٿا،
جِت ڪرن ٿا،
ٻي ڪنهن جهرڪيءَ جي ٻچڙن جي،
اوٽ ٿين ٿا،
نئين سِرِ نئين آکيري اُڻجي،
ٻيهر ڪنهن جو ڪوٽ ٿين ٿا،
واچوڙن ۽ ڪک پنن جو،
آهي ازل کان سانگ اهوئي،
ڦيرو ساڳيو ڦِرِڻو آهي،
تاريخن ۽ تهذيبن جو،
وارو ور ور ورڻو آهي،
هرڪو موٽي اچڻو آهي،
روپ نئين ۽ راڳ نئين سان،
راڳي ساڳيو رهڻو آهي،
*