جي ويا موٽيا نه آهن
سال ٿيا موٽيا نه آهن،
ڪيئن ويا ڪا ڏي ويا هِنِ؟
هِتِ هُيا جي گڏ سي،
هُتِ مليا يا ڌار آهن؟
ڪيئن چوان ڪنهن پار آهن،
پر مڻيا ماڻهوءَ سندي،
ڏات جي هئي روپ ۾ جا،
بات جي هئي روپ ۾ سا،
ٿي بقا رهجي وئي آ،
سانوڻيون جيئن ٿيون وسن ،
۽ گهٽائون جيئن اچن ،
ٻول تن جا ٿا ٻُرن ،
قول تن جا ٿا وڄن،
واءُ جي هر ساز سان ۽،
تار جي هر وَهِڪ سان،
موتين جي مهڪ سان،
سي ته ها ڄڻ ويا نه آهن،
جي ويا موٽيا نه آهن،
پر مڻيا ماڻهوءَ سندي ،
ٿي بقا رهجي وئي آ،