پيار
چوين ٿي ته ،
پيار فقط ڪنهن هڪ انسان سان ٿيندو آهي،
اهو تون ان ڪري چوين ٿي جو،
تون پيار تي قبضو ڪرڻ چاهين ٿي،
تون پيار کي غلام ڪرڻ چاهين ٿي،
تون پنهنجي لالچ ۽ بي ايماني کي،
پيار جو نانءُ ڏئي ڦٻائڻ چاهين ٿي،
پر پيار ته ،
هڪ ڪائناتي جذبو آهي،
پيار ته هڪ ئي وقت،
ڪائنات جي هرهڪ شيءِ سان ٿي سگهندو آهي،
ڇا تون سمجهين ٿي ته ،
سج ڪنهن هڪ لاءِ اُڀرندو آهي؟؟
چنڊ ڪنهن هڪ لاءِ چمڪندو آهي؟؟
ندي ڪنهن هڪ لاءِ وهندي آهي؟؟
۽ خوشبوءَ ڪنهن هڪ لاءِ پکڙبي آهي؟؟
۽ خدا،
ڪنهن هڪ لاءِ هوندو آهي...؟؟
*