نئين لڳين ٿي
جئين ڇُهان ٿو تيئن وڻين ٿي،
زندگيءَ ورجائجي ٿي،
تو اندر ئي ڀائنجي ٿي،
تون سراپا سونهن آهين،
جا پُراڻي ڪين ٿئي ٿي،
نينهن جي ڄڻ لونءَ آهين،
جنهن پڄاڻي ڪين ٿئي ٿي،
مان جڏهن توسان مِلان ٿو،
پل گهڙي ماٺو ٿِيان ٿو،
پو وري درياهه وانگي ،
جوش سان ٻيهر گُڙان ٿو ،
ڪا وري مانڌاڻ نئين آ،
جيءَ مان جهرڻا ڦُٽن ٿا،
گيت ڪيئي ائين جُڙن ٿا،
اوڙڪون جيئن مينهن وسن ٿا،
توبنا بيڪارآهي،
هي حياتي بار آهي،
تون ئي مونکي ڏانءُ ڏين ٿي،
هر دفعي تون نئين لڳين ٿي،
جئين ڇُهان ٿو تيئن وڻين ٿي،